အလွမ်းငှက်

အမေ့အိမ်နဲ့ဝေးတဲ့နေရာဆိုတာ
လုံခြုံနွေးထွေးမှု
ကင်းမဲ့တတ်မှန်းသိပေမဲ့
ပညာရှာဖို့ခဏတော့
ဒီအသိုက်နဲ့ခွဲရဦးမှာပဲ
ဒါပေမဲ့-----
အဲဒီခဏဆိုတဲ့စကားလေးကိုပဲ
အကြိမ်ကြိမ်မျိုချရင်း
အမေ့ကိုလွမ်းနေခဲ့တာ
အခု(၂၀)နှစ်တောင်
ရှိသွားပြီး-----။
အမေဆိုတဲ့အဓိပ္ပါယ်ကို
နားမလည်နိုင်သေးခင်
အသိုက်ထဲကထုတ်ပယ်ခံရတဲ့
ငှက်တစ်ကောင်ရဲ့ဘ၀ဟာ
ဘာတွေနဲ့အစားထိုးပြီး
ဘယ်အရပ်ဒေသမှာ
ပျော်ရွှင်နိုင်မှာတဲ့လဲ
ဒုက္ခနဲ့တစ်ခါကြုံတိုင်း
အမေ့ရဲ့လက်ကို တစ်ခါကိုင်ပါရစေ
ဝမ်းနည်းမှုတွေနဲ့တစ်ကြိမ်ကြုံတိုင်း
အမေ့ရဲ့အားပေးစကားကို တစ်ကြိမ်းကြားပါရစေ
မောပန်းမှုတွေရှိခဲ့လေတိုင်း
အမေ့ရင်ခွင်ထဲ ခိုနားပါရစေ
လူတိုင်းက
သိန်းထီပေါက်ဖို့ဆုတောင်းနေချိန်မှာ
သားကတော့
အမေ့ရဲ့နွေးထွေးအားပေးမှုကိုပဲ
တောင့်တနေခဲ့တယ်
အသိုက်နဲ့ဝေးတဲ့ဘ၀ဖော်တွေရဲ့
ပူဆွေးလွမ်းမောမှုတွေကို
နှစ်သိမ့်ပေးချင်ပေမဲ့
သားကိုယ်တိုင်ကလည်း
ငိုကြွေးနေခဲ့တာ။
အသိုက်ထဲပြန်ဝင်ဖို့ကြိုးစားတိုင်
လိုအပ်မှုတွေက
တားဆီတတ်လွန်းလို့
အမြဲတမ်းလိုအပ်နေတဲ့လောကကြီးကိုလည်း
စိတ်နာချင်တယ်။
သက္ကရာဇ်တွေစားသုံးပြီး
၃၃နှစ်ထဲရောက်လာတဲ့အချိန်မှာ
ရင့်ကျက်ပြီးလို့ထင်ခဲ့ပေမဲ့
တကယ်တမ်းတော့
အမေ့ကိုလွမ်းတဲ့စိတ်ကြောင့်
အိပ်ပျော်ဖို့တောင်
မစွမ်းဆောင်နိုင်ပါဘူး အမေရယ်။
ဘယ်အချိန်ဘယ်ကာလမှ
ပြည့်ဝမယ်မှန်းမသိတဲ့
ရည်မှန်းချက် ဆိုတာကြီးကို
ခေါင်းရွက်ပြိး
အမေ့ရဲ့နွေးထွေးမှုမရှိတဲ့အရပ်မှာ
ဘယ်လောက်ကြာအောင်
ဝမ်းနည်းအထီးကျန်မှုတွေနဲ့
ပေါင်းသင်းနေရဦးမှာလဲ
ဟို--- တချိန်က
ကောင်းကင်းကြီး
အထီးမကျန်စေချင်တဲ့ဆန္ဒနဲ့
ကြယ်ကလေးတွေမကြွေဖို့ ဆုတောင်းပေးခဲ့တဲ့သားအတွက်
အခု ဘယ်သူတွေ ဆုတောင်းပေးကြမှာလဲ
အမေရယ်
ဆန္ဒနဲ့ဘ၀
တစ်ထပ်တည်းမကျတဲ့ဘ၀မှာ
ဖြစ်ချင်တာတွေ
ဖြစ်ခွင့်မရခဲ့ပေမဲ့
ရည်မှန်းချက်တွေပြည့်စုံအောင်
ကြိုးစားရင်း
အသက်ရှင်နေသမျှတော့
မျှော်လင့်ချက်တွေကို တောင်ပံတပ်လို့
အမေရှိရာအရပ်ကို
အမြဲတမ်း ပျံသန်းဖို့
ကြိုးစားနေမှာပါ အမေရယ်။